Skip to main content

தேவதச்சனின் கவிதை முகம் 02

எப்படியான நேரங்களில் நாம் சார்ந்த இழப்புக்களைச் சாதாரணமாக எடுத்துக்கொள்வோம் என்ற சந்தேகம் அடிக்கடி எழுவதுண்டு. நம்மை நோக்கி வரும்  அழுத்தங்களை ஒன்றில் உணர்வுபூர்வமான வெளிப்பாடாகவும் அல்லது மௌனமாகவும் கடந்து போவதுண்டு. இது ஒவ்வொருவரும் பயின்ற, வாழ்ந்த சந்தர்ப்பங்களைப் பொறுத்து வித்தியாசப்படும். ஆனால் அந்த அழுத்தங்கள் மட்டும் நிரந்தரமாக எம்மை நோக்கி இடையறாது வந்து கொண்டேதான் இருக்கும். இதற்கான மாற்று வழிகள் காலந்தோறும் இருந்ததில்லை.

இதனைத்தான் நமது மரபார்ந்த தத்துவ நோக்கில் ஊழ்வினை என்றும் வரையறுத்தனர். வள்ளுவரின் "ஊழிற்பெருவலி யாவுள" என்ற வரியாகட்டும்,  இளங்கோவடிகளின்
"ஊழ்வினை உறுத்து வந்து ஊட்டும்" என்ற வரியாகட்டும் அவை பிரஸ்த்தாபிப்பது வெகுமக்களின் அழுத்தங்களைத் தான். அதைத்தான் இந்து ஞான  மரபில் பிராரப்த தர்மம் என்றும் கூறுவர். தத்துவமாக நோக்கும் போது ஊழ் என்றும், மக்களிடம் வெகுவாக உரையாடும் தளத்தை வைத்துப் பார்த்தால் அதனை அழுத்தம் என்றும் கூறலாம். இந்த இரண்டும் ஒன்றோடொன்று மிக நெருங்கிய தொடர்புள்ளவை. அவை பன்னெடுங்காலமாக எம்முடன் உரையாடி வருபவை. ஆரம்பத்திலேயே தனிப்பட்ட நபர்களுக்கான தத்துவ அறவியலாக இருந்த இந்தக் கருத்து பிற்காலத்தில் வெகுமக்களின் மனதைச் சார்ந்த சாதனமாக மாற்றம் பெற்றது.
இன்றுகூட நம்மிடம் ஒரு வழக்கம் உண்டு. நமக்கு மனம்சார்ந்த அழுத்தங்கள் ஏற்பட்டதும் கோயிலை நாடுவோம். அங்குள்ள ஆன்மீக சாதனங்களைக் கொண்டு நமது அழுத்தங்களைத் தீர்த்துக்கொள்ள முனைவோம். அந்த அழுத்தங்களுக்கு செய்த கர்மம்தான் காரணம் என்றும் ஒரு சித்திரத்தை எம்மிடம் வகுத்துக்கொள்வோம். பின்னர்தான் வைத்திய சாலையை நாடுவோம். இது நகரம் சார்ந்த வாழ்க்கையில் குறைவாக இருந்தாலும் கிராமிய மரபில் அதிகமதிகம் காணப்படுகிறது. எனக்குத் தெரிந்த முதியவர் ஒருவர் இருந்தார். அவர் தன்னுடைய வாழ்நாட்களில் ஆன்மீகத்தைக் கேலிசெய்து ஞான மரபுகளை உதாசீனம் செய்து கொண்டிருந்தார். அதாவது தூய நாத்திகர். அவருடைய கடைசிக்காலத்தில் நடக்க முடியாமல் படுக்கை நிலைக்குத் தள்ளப்பட்ட போது திருவாசகத்தைப் பாடிக்கொண்டு தலையணைக்குள் விபூதியையும் வைத்து ஆன்மீகத்துக்குள் மூழ்கினார். இது எனக்கு ஆழ்மனதில் பெரும் வியப்பை இன்றும் உண்டாக்குவதுண்டு. அவருக்கு ஊழ் பற்றிய அச்சம் அழுத்தமாகப் பரிணமித்துள்ளது, அதனால்தான் அப்படியான ஒரு சூழ்நிலைக்கு உள்வாங்கப்பட்டார் என்று பின்னர் புரிந்து கொள்ளவும் முடிந்தது. நமது சமூகமரபுகள் ஆழ்மனம் சார்ந்த நம்பிக்கைகளுடன் தொடர்ந்து இயங்கும் ஒன்றாகும். இதனைப் பற்றி அடிக்கடி எழுதி வந்துள்ளேன். அதனை அழுத்தமாக வெளிப்படுத்தும் இலக்கிய உபகரணங்களில் ஒன்று கவிதை. தேவதச்சன் மணல்வீடு என்ற தலைப்பில் எழுதிய கவிதை ஒன்று உள்ளது. அதனை வாசித்தபோது இந்த தத்துவார்த்த நோக்கு இயல்பாக எனக்குள் உண்டானது.

"எனது 
மணல் வீடு
சரிந்து சரிந்து
விழுகிறது
எழுந்து
விடைபெறுகிறேன்.
இனி
மணல்தான்
என்
சுவடுகள் போலும்"

இதில் 'மணல்வீடு' என்பதை ஊழ்வினையுடனும் 'சுவடுகள்' என்பதை அழுத்தங்களுடனும் பொருத்திப் பார்க்கலாம் அல்லவா? மணல்வீடு சரியாமல் இருப்பதால் அது பிராரப்த தர்மமாக உள்ளது. அதுவே சரிந்து வீழ்ந்ததும் சுவடுகள் போல ஒருவனுக்கு அழுத்தமாகிப் போகிறது.  எழுந்து விடைபெறுபவன் அந்த வெகுஜனக்காரர்களில் ஒருவனாக இருக்கலாம் அல்லவா?
கவிதை என்பது நமது அனுபவங்களுடன் அசைபோடவேண்டும். அவ்வாறு அசைபோடும்போது நமது தரிசன மரபுகளையும் நாம் துணைக்கு அழைத்துப் பார்க்கவேண்டும். அது பற்றிய பரிச்சயம் இல்லாமல் பல தமிழ்க்கவிதைகளை இங்கே அனுபவிக்கவே முடியாது என்பது என் நிலைப்பாடு. இன்று பலர் பொத்தாம் பொதுவாக கவிதை என்பது இப்படி இருக்கும் என்று மேற்கொள்ளும் விமர்சனங்களைப் பார்க்கும் போது அயர்ச்சிதான் உண்டாகிறது. அதற்குள் எவ்விதமான பிரக்ஞைபூர்வமான விடயங்களும் இருப்பதாகத் தெரியவில்லை. கவிதை வாசிப்புப் பற்றி ஜெயமோகன் தன்னுடைய கட்டுரை நூல் ஒன்றில் இவ்வாறு குறிப்பிட்டுள்ளார்.

"நான் கவிதையைக் கூர்ந்து வாசிப்பேன். முதலில் கவிதையின் ஒட்டுமொத்தமான பொருளையும் சொற்களின் பொருள்களையும் புரிந்துகொள்வேன். உடனே அந்தக்கவிதை என் மூளைக்குத் தெளிவாகி விடுகிறது. அதன்பின் அந்த கவிதையின் அர்த்ததைப்பற்றிக் கவலைப்பட மாட்டேன். அப்படியே கவிதையை வாசிப்பேன். சூயிங்கம் மெல்வது போலக் கவிதையை வாய்க்குள் சொல்லிக்கொண்டே இருப்பேன். பலமுறை. ஒருகட்டத்தில் கவிதை வெறும் மொழியாக மாறிவிடும்.

அந்த வாசிப்பில் எங்கோ அக்கவிதையின் முக்கியமான சில சொற்சேர்க்கைகள் எனக்குள் பதிவாகிவிடும். பாலைநிலத்து விதைகள் போல எனக்குள் புதைந்து கிடக்கும். வாழ்க்கையின் தருணங்களில் எப்போதோ ஏதோ ஒரு துளி நீர் பட்டு சட்டென்று அக்கவிதை எனக்குள் முளைத்தெழுந்து வரும். அது ஒரு பெரும் பரவசம். அப்போது அது அந்தக் கவிஞனின் கவிதை அல்ல, என்னுடைய கவிதை. அந்தக் கவிதை அக்கவிஞனின் அகத்தில் நிகழ்ந்தபோது அவன் எந்த உச்சநிலையில் நின்றானோ அங்கே அப்போது நான் நின்று கொண்டிருப்பேன். அந்த சிகரநுனியில் அவனை நான் ஆரத்தழுவிக்கொள்வேன்"

இது கவிதைவாசிப்புக்கு முன் ஆதாரமாக உள்ள முக்கியமான ஒரு கருத்து. ஒரு கவிஞன் எழுதிய கவிதையை எனது கவிதையாக மாற்றுவது என்பது வாசக நிலையின் ஆத்மபூர்வமான தருணமாகும். இதுதான் வாசிப்பு முதிர்ச்சிக்கும் அடுத்துவரும் கவிதை விமர்சனத்துக்கும் அழுத்தமான பங்களிப்பைச் செய்யும். இதிலிருந்து விலக எத்தணிக்கும்போது கவிதையின் உட்பாகங்களையும் அதன் சமூக தனிமனிதப் பிரக்ஞைகளையும் பூரணமாகப் புசிக்க முடியாது. சரிந்து விழுந்த மணல் வீட்டிலிருந்து விடைபெறுவது மட்டுமே கிடைக்கும். சுவடுகள் மிச்சமாக இருக்காது.


தொடர்புடைய பதிவுகள்.

தேவதச்சனின் கவிதை முகம் 01



00

Popular posts from this blog

ஆர்.எஸ்.எஸ்: அடிப்படைப் புரிதல்கள்.

கேஷவ பலிராம் ஹெட்கேவர் தனது நண்பர்களுடன் 1925 ஆம் ஆண்டு இந்த அமைப்பை (Rashtriya Swayamsevak Sangh- RSS) ஆரம்பித்தபோது மிகக் கணிசமான அளவு மக்களின் ஆதரவே இவர்களுக்குக் கிடைத்தது.  பெருமளவு மக்களுக்கு ஆர்.எஸ்.எஸ் பற்றிய பிரக்ஞையே இல்லாமல் இருந்தது. பின்னர் முஸ்லிம் அடிப்படைவாதம் தலைதூக்கத் தொடங்கியதும் இந்தியாவின் அநேக பாகங்களில் ஆர்.எஸ்.எஸ் அமைப்பின் தேவை உணரப்படலாயிற்று. அத்துடன் வட இந்தியாவில் சாதிய வேற்றுமையை இல்லாது ஒழிப்பதற்கு இந்த அமைப்பு மேற்கொண்ட செயற்பாடுகள் மிகக் குறிப்பிடத்தக்க முயற்சிகளாகும். இதனால் இரண்டு தசாப்தங்களுக்கு உள்ளாகவே வட இந்தியாவில் ஆர்.எஸ்.எஸ் பெரும் செல்வாக்குடன் வளர்ந்தது.  இதனை மகாத்மா காந்திகூட தனது ஹரியான் என்ற பத்திரிகையில் பாராட்டி எழுதியிருப்பார். பிற்காலத்தில் நடந்த காந்தி கொலை துன்பியல் சம்பவமாகிப்போனது. ஆர்.எஸ்.எஸ் தடைசெய்யப்பட்டு மீளவும் சமூக எழுச்சிக்காகக் கட்டமைக்கப்பட்டது. இந்தியாவின் வடகிழக்கு மாநிலங்களில் தீண்டாமையை நேரடியாகவே நீக்குவதற்கான முயற்சிகளில் இறங்கினார்கள். இதன் பலனை ஆர்.எஸ்.எஸ் இன்று அந்த இடங்களில் அனுபவிக்கிறது. அங்குள்ள இடதுசாரிக…

இலங்கையின் மதமாற்றங்களும் அரவிந்தன் நீலகண்டனின் உடையும் இந்தியாவும்

அரவிந்தன் நீலகண்டனின் கட்டுரைகளை அவருடைய வலைத்தளத்தில் படித்துள்ளேன். அத்துடன் அவரது இந்திய அறிதல் முறைகள், பஞ்சம் படுகொலை கம்யூனிசம் மற்றும் ஆழி பெரிது போன்ற நூல்கள் மீள்வாசிப்புக்கு உட்படுத்தவேண்டிய நிலையிலுள்ளது. பலர் சொன்னார்கள் இந்து மதத்துக்கும் இந்துத்துவத்துக்கும் வித்தியாசம் உங்களுக்குத் தெரியவில்லை என்று. இந்து மதம் என்பதை மதச்சார்பின்மை என்று பலர் மடைமாற்றி வைத்துள்ளனர் என்பது ஒரு பக்கம் உண்மையாக உள்ளது.  அத்துடன் இந்துத்துவம் என்பது இந்துவாக வாழ்தல் (Hinduness) என்று பொருள். இந்த மடைமாற்றத்துக்கும் பன்னெடுங்கால இந்துமதத்தை அழிக்க முனையும் அந்நிய சக்திகளை எதிர்கொள்ள உருவானதே இந்துத்துவம் என்ற கோட்பாடு என்பது அநேகமான இந்துத்துவர்களின் நிலைப்பாடு. இதற்குள்ளிருந்து புடைத்தெழும் இந்துத்துவ வெறியைத்தான் பலர் இந்துத்துவம் என்று இங்கே தவறாக வகுக்கின்றனர். அதனால் தம்மைப் பலர் இந்துத்துவர் என்று சொல்லவே பின்வாங்குகின்றனர். ஆனால் அரவிந்தன் நீலகண்டன் தன்னை வெளிப்படையாகவே இந்துத்துவர் என்று அறிவித்துக் கொண்டவர்.  அவருடைய கோணத்திலும் வாசிப்பனுபத்திலும் வைத்து நோக்கினால் அதில் தவறுகள் இ…

இந்து ஞான மரபில் ஆறு தரிசனங்கள் ஒரு பார்வை

இந்து மதம் என்பது சாதியப் பிரிவால் மட்டுமே வலுப்பெற்றுள்ளது என்ற வலுவான கோஷம் அண்மைக்காலமாக உண்டாக்கப்பட்டுள்ளது. அதனைப் பிரச்சார நோக்கில் பலர் கொண்டு செல்கின்றனர். அடிமைத்தனத்தை வலியுறுத்திய ஹேகல் முதலியவர்களை இங்கே பெரிய இடத்தில் வைத்திருக்கும் இடதுசாரிகளும் திராவிடச் சிந்தனையாளர்களும் அரசியல் காரணங்களுக்காக இந்து மதத்தை மிக ஆழமாக இழிவுபடுத்துவதைக் காணமுடிகிறது. இதனால் இந்து ஞான மரபு என்பது மிக ஆழமாகப் பாதிக்கப்படுகிறது. அண்மையில் ஒரு தமிழ் டயஸ்போரா கூறினார் இந்துஞான மரபு என்பதே ஒரு போலியான கட்டுக்கதை என்று. அவர் எதற்காக அந்த வாதத்தை முன்வைக்கிறார் என்று ஆழமாக யோசித்துப் பேசும் பேச்சைக் கொண்டு பார்த்ததும் புரிந்து கொள்ள முடிந்தது. இலங்கையில் இந்திய அமைதிப்படையினர் மேற்கொண்ட அட்டூழியங்களுக்கு அவர் முகம் கொடுத்துள்ளார். அப்பபோது குடும்பத்துடன் புலம்பெயர்ந்து அய்ரோப்பா சென்றுள்ளார். அதனால் இந்திய மரபும் இந்து மதமும் வீணானவை என்ற கருத்தினைத் தனக்குள் போட்டுவைத்துள்ளார். எப்போதும் முன் முடிபுகளுடன் உரையாடுகிறார். இதைத்தான் பல தசாப்தங்களாக இங்குள்ள பலர் செய்து வருகின்றனர். இது ஒருசில கால…

போகன் சங்கரின் கண்ணாடி போட்ட பூனைக்குட்டிகள். 01.

கவிதைகள் படித்து நீண்ட நாட்களாகிவிட்டது. கவிதைகள் எழுதிப் பல மாதங்கள் ஆகிவிட்டது. கவிதை எழுதுவதே தீண்டாமை போலப்  பார்க்கப்படுகிறது என்பதால் கவிதை எழுதுவது பற்றி எனக்குள் இருந்த இயலுமை கொஞ்சம் கொஞ்சமாக நீர்த்துப் போய்விட்டது என்றே சொல்லுவேன். ஒரு காலத்தில் கவிதை எழுதிக்கொண்டிருந்த நான்கூடத் தீண்டாமையில் இருந்து மீண்டு வந்துவிட்டேன் என்று புழகாங்கிதமடைந்ததுண்டு. ஆனால் உண்மையில் தீண்டாமையை முற்றாக ஒழிக்க முடிவதில்லைத்தானே. வெறும் வார்த்தைகள்தானே. அதுபோலத்தான் ஒவ்வொரு மனிதனுக்குள்ளும் இருக்கும் மோசமான கவிதை எழுதும் கவிஞனையும் முற்றாக நீக்க முடிவதில்லை. நான் மோசமான கவிஞன் என்று எனக்கு ஒரு விமர்சனம் போட்டுப் பார்த்துவிட்டு நிரந்தரமாக விமர்சனத் துறையைத் தெரிவு செய்தேன். அதன் பிறகு கவிதைகள் வாசிப்பதைக் குறைத்துவிட்டுப் புனைகதைகள் மீதும் அல்புனைவுகள் மீதும் கவனஞ்செலுத்தினேன். ஆனால் முற்றிலுமாகக் கவிதைகள் வாசிப்பதை நிறுத்தவில்லை. ஜெ.பிரான்சிஸ் கிருபா, தேவதச்சன், ரமேஷ் பிரேம், சுகுமாரன், நகுலன், பிரமிள், எம்.யுவன் மற்றும் கே.சச்சிதானந்தன் முதலானோரின் கவிதைகளை இடையறாது வாசித்து வந்துள்ளேன். இந்த…

சங்ககாலத்து இராமன்: சில குறிப்புகள்

இரண்டாயிரம் ஆண்டுகளுக்கு முற்பட்ட சங்க இலக்கியங்களில் இந்துக் கடவுளரில் ஒருவரான ராமன் பற்றிய குறிப்புக்களை  கடுவன் மள்ளனார் என்றொரு புலவர் எழுதியுள்ளார். முதல் மூன்று நூற்றாண்டின் நடுப்பகுதியில் எழுதப்பட்ட அகநானூற்றிலேயே இந்தக் குறிப்புகள் தெளிவாக உள்ளன.

"வென்வேல் கவுரியர் தொன்முது கோடி 
முழங்கு இரும் பௌவம் இரங்கும் 
முன் துறை வெல்போர் இராமன் 
அருமறைக்கு அவித்த பல்வீழ் ஆலம் போல 
ஒலி அவிந்தன்று இவ் அழுங்கல் ஊரே"

இங்கே கவுரியர் என்பது பாண்டியரையும் கோடி என்பது தென்னகத்துத் தனுஷ் கோடியையும் குறிக்கிறது. இப்பாடலின் பொருளாக, ராமன் வெற்றிபெற்றுப் பாண்டியரின் தேசத்துக்கு வந்தடைந்து ஆலமரத்தடியில் அமர்ந்து மறைஞானப் பாடல்களை ஓதுகிறான். அம்மரத்தின் மேலிருந்த பறவைகள் தமது சப்தங்களை விட்டுவிட்டு ராமனின் மறையோதலைக் கேட்டபடியுள்ளன. இது கிட்டத்தட்ட இரண்டாயிரம் ஆண்டுகளுக்கு முற்பட்ட அகநானூற்றில் மள்ளனார் பாடிய ஒரு பாடல்.

சமகாலத்தில் ஒருவர் தனது சுய கருத்தைக் கூறுவதற்கு இணையத்தின் செல்வாக்கை  அதிகமாக நம்பியுள்ளார். இந்த ஆதிக்கம் அதிகரிக்கத் தொடங்கியதும் எவ்வித வரலாற்று வாசிப்பு அறிவுமற்ற அதே வேளை…

போகன் சங்கரின் கண்ணாடி போட்ட பூனைக்குட்டிகள் 02

பெண் ஒரு சமூகத்தின் இனப்பெருக்கத்துக்குப் பெரிதும் பங்காற்றுபவள். இது வெறுமனே இனப்பெருக்கத்துக்கு என்ற கருத்தை இங்கே முன்வைக்கவில்லை. இங்கு கவிதை பற்றி உரையாடுகையில் சில ஆதாயங்கள் விடுபட்டே பேசப்படும். போகனின் கவிதையைப் பற்றிப் பேசும் போது பல இடங்களில் பெண்கள் பற்றி மலினமாக எழுதுகிறார் என்ற வாதத்தைச் சிலர் முன்வைத்துள்ளனர். அது அவர்களது வாசிப்பில் உள்ள குறைபாடு என்றே கூறவேண்டும். அல்லது கவிதையை மேலோட்டமாகப் புரிந்து கொண்டதால் உருவான அதிருப்தி என்றும் கூறலாம்.

"கால்களுக்கு நடுவே
ஒரு சிறிய முரசுபோல
துடித்த சிசுவை
ஒரு கிழங்கைக் கெல்லி எறிவது போல
ஒரு பெரிய இடுக்கியைக் கொண்டு
பிடுங்கி எறிகிறாள்
டாக்டர் மாலதி
ஆண்குழந்தை என்று
வெளியே நிற்பவர்களிடம் சொல்கிறாள்
அவளுக்கு ஒரு புன்னகையும்
இனிப்பும் தரப்படுகிறது.

வெளியே வந்ததும்
வீட்டிலிருந்து வந்த ஒரு அழைப்புக்கு
ஆத்திரமாய் எதுவோ போனில் பேசுகிறாள்
இறுகிய  தாடையுடன் அவள்
காரை எடுத்த வேகம் கண்டு
புறாக்கள் சிதறி ஓடுகின்றன.
தூமைக்கால யோனி போல
சிவந்த அந்த அதிகாலையில்
அவள் மிக வேகமாகச் சென்று
அந்த பெரிய வாகனத்தின்
பின்னால் மோதுகிறாள்.

அதீத களைப்ப…

இலங்கையில் ஆர்.எஸ்.எஸ் அமைப்பை வலுப்படுத்துதல்.

பொதுவாக நாம் திட்டமிட்ட சிங்கள-பௌத்த குடியேற்றங்களைப் பற்றிப் பேசுகிறோம். ஆனால் பேரினவாத நிழலில் நின்றுகொண்டு அத்துமீறிய முஸ்லிம் குடியேற்றங்கள் தொடர்ந்து தமிழ்ப் பகுதிகளில் நடைபெறுகிறது. இது பற்றி யாரும் பேசுவதில்லையே. ஏன்?. யாராவது ஒரே மொழி பேசும் ஒரே இனத்தவர்கள் நாம் என்று கூறினால் அதைச் சரியான முட்டாள்த்தனம் என்றுதான் கூறுவேன். அதனை எந்த ஒரு முஸ்லிமும் தமிழரும் ஏற்கப்போவதில்லை. இலங்கையில் இருப்பது மூன்று பிரதான இனங்களாகும். அதில் முஸ்லிம் இனமும் ஒன்று. தமிழக முஸ்லிம்களின் அதிகார நிலைப்பாடுகளுடன் வைத்து இலங்கை முஸ்லிம் அதிகாரத் தளத்தைப் பார்ப்பவர்களே அதிகம். இலங்கையின் அதிக விழுக்காடு முஸ்லிம் அதிகார மையம் அடிப்படைவாத மதப் பரப்புகையை நோக்காகக் கொண்டது. நலிந்த இனத்தை நசுக்குவதைக் கடப்பாடாகக் கொண்டது.


இலங்கையில் ஆர்.எஸ்.எஸ் அமைப்பின் துணை அமைப்பான "சேவா பாரதி" என்று யுத்தத்தால் பாதிக்கப்பட்ட தமிழ் மக்களுக்குச் சேவை செய்யும் அமைப்பு ஒன்று வடகிழக்கில் இயங்கிவருகிறது. இதற்கு அரச அனுசரணை பெருமளவில் உள்ளது. இதன் பிரதான பணி மதமாற்றங்களைத் தடுத்து யுத்தத்தால் பாதிக்கப்பட்ட தமிழ் …