Skip to main content

நாட்டார் மரபும் மக்கள் திரளும்

கிராமியக்கலைகளை நாட்டார் கலைகள் என்றும் கூறுவார்கள். தமிழ் இலக்கியத்தின் நாட்டார் மரபு சங்ககாலம் தொட்டே இருந்து வருகின்றது. நாட்டார் மரபுகளை இன்றைய காலத்தில் செவ்வியலுடன் கலந்த ஒன்றாக மாற்றும்போது அங்கே அழகியல் உச்சம் கொள்கிறது.

இதனை இங்கே எழுதும்போது  எனக்கொரு பழைய சம்பவம் ஞாபகம் வருகிறது. பத்து வருடங்களுக்கு முன்பு பாடசாலையில் ஒரு கலை நிகழ்வு நடந்திருந்தது. அப்போது திருக்குற்றாலக் குறவஞ்சி என்ற சிற்றிலக்கியம் மீது அதீத பிரயம் கொண்டிருந்தேன். அடிக்கடி அதன் சந்த நயத்துக்காகவும் வர்ணனைகளுக்காகவும் மீண்டும் மீண்டும் அதனைப் படிப்பதுண்டு. அப்பொழுது நிகழ்ந்த கலை நிகழ்வில் நாடக அரங்கேற்றம் ஒன்றை ஆசிரியர்களின் வழிகாட்டலின்  பேரில் உயர்தர மாணவர்கள் நடாத்துவதற்குத் தயாராக இருந்தார்கள். அங்கிருந்த ஆசிரியர் ஒருவர் நாடகத்துக்குள் கவிதைகளைச் சேர்த்தால் நல்லது. அந்தக் கவிதை சந்த நயமுள்ளதாகவும் அதே நேரம் பொருள்படும் வகையிலும் ரசிக்கும் படியாகவும் இருக்கவேண்டும் என்று கூறினார். அப்பொழுது கவிதை மற்றும் திறனாய்வுகளில் தேசிய மட்டத்தில் பரிசில்கள் பெற்றமையாலும் பத்திரிகைகள் சிலவற்றில் காதல் கவிதைகளும் எழுதி வந்தமையாலும் நாடகத்துக்கான கவிதையை எழுதுமாறு என்னிடம் கோரினார்கள். எனக்கு ஆரம்பத்தில் எப்படியாக எழுதுவது என்று புரிந்திருக்கவில்லை. அல்லது நாட்டார் மரபுகள் மீதான நாட்டங்கள் அப்பொழுது கற்றறிந்து ஏற்பட்ட ஒன்றல்ல.  இந்தக் குற்றாலக் குறவஞ்சி கூட ஏதோ ஒரு உள்ளுணர்வால் உண்டான ஒன்றுதான். அப்பொழுது குற்றாலக் குறவஞ்சியில் பின்வரும் பாடலை அடிக்கடி மனதில் இருத்தி வைத்திருந்தேன்.

"நீங்கக் காண்பது சேர்ந்தவர் பாவம்
நெருங்கக் காண்பது கன்னலிற் செந்நெல்
தூங்கக் காண்பது மாம்பழக் கொத்து
கழலக் காண்பது பூந்தளிர் மத்து
வீங்கக் காண்பது மங்கையர் கொங்கை
வெடிக்கக் காண்பது கொல்லையின் முல்லை
ஏங்கக் காண்பது மங்கல பேரிகை
ஈசர் ஆரிய நாடெங்கள் நாடே"

இதனை உந்துததலாகக் கொண்டு அப்பொழுது ஒரு கவிதையை கிராமிய வழக்குச் சொற்களை உபயோகித்து எழுதிக் கொடுத்தேன். அந்த நாடகம் முதல் பரிசினைப் பெற்றதாகவும் அதற்கு சிறியதொரு காரணம் அந்தக் கவிதை என்றும் கூறினார்கள். அதில் நாட்டார் பாடலின் தொனி இருந்ததாகவும் கூறினர். நான் அதனை ஏற்கவில்லை. ஏனெனில் அப்பொழுது அந்தக் கவிதைக்காக எனது உந்துதலாக இருந்தது குறவஞ்சிதான். நான் அப்பொழுது நாட்டர் வடிவிலான கவிதைகளை எழுதியிருக்கவில்லை.  ஆசிரியர்கள் அப்பொழுது குறவஞ்சியில் வரும் இந்தப்பாடலை அறிந்திருக்கவில்லை. அதனால் அதன் மூலமான வடிவம் நான் எழுதியது என்று கருதினர். நான் இங்கிருந்தே எனது கவிதைக்கான கருவை எடுத்தேன். ஆகவே அந்தப் பாராட்டு குறவஞ்சி ஆசிரியர் திரிகூட ராசப்ப கவிராயரையே சாரும். எனது கவிதையை எழுதும்போது சந்தநயம் இங்கிருந்தும் கவிதையின் உள்ளடக்கம் நான் வாழ்ந்த கிராமிய நோக்கிலிருந்தும் எடுத்திருந்தேன். அதனால் அவர்களது பாராட்டு ஒருவகையில் இலக்கியம் மீதான உந்துதலாக இருந்தது. அப்பொழுது எழுதிய ஒருவரிகூட இன்று ஞாபகத்தில் இல்லை. அத்துடன் கவிதைகள் எழுதுவதை நிறுத்திப் பல வருடங்களாகிவிட்டது.  இங்கே குற்றாலக் குறவஞ்சியின் சந்தநயத்தை நாட்டார் மரபுடன் இணைப்பதற்கான உள்ளுணர்வு நம்முடைய மரபிலிருந்து எனக்கு வந்திருக்க வேண்டும் என்று நினைத்துக்கொள்வதுண்டு.
தெருக்கூத்து 
இந்த நாட்டுப்புறக் கலைகள் ஒவ்வொருவருடைய வாழ்நிலம் சார்ந்து தொடர்ந்து ஆழ்மனதில் இருக்கும் ஒன்று என்றே எண்ணத்தலைப்படுகிறது. நாட்டார் கலைகள் வெறுமனே தமிழ் மரபில் மட்டுமே உள்ள ஒன்றல்ல. அதனை Folk Culture என்று ஆங்கிலத்தில் வரையறுப்பர். ஜெர்மனியில் தொழிற்புரட்சிக்கு முந்தைய காலகட்டத்தில் இதனை volk என்று அழைத்தனர். வோக் என்றால் பொதுவான மக்கள் கூட்டம் என்று பொருள்படும். அந்தப் பெயரில் அங்கே வாகனங்களையும் அறிமுகம் செய்தனர். இதனையே ஆங்கிலேயர்கள்  folk என்றழைத்தனர்.

ஹிட்லர் அங்குள்ள மக்களை ஒன்றுதிரட்ட நாட்டுப்புறவியலை நாடினார். அத்துடன் நிறுத்திக் கொள்ளாமல் அந்த நாட்டுப்புறவியலைத் தேசியவாதத்துடன் இணைத்தார். இதன்மூலம் தூய ஜெர்மனியவாதம் கட்டமைக்கப்பட்டது. இங்கிருந்தே யூத வெறுப்பு நிலைப்பாட்டையும் அவர் பன்முகப்படுத்தத் தொடங்கினார். இது அய்ரோப்பிய வரலாற்று வடிவில் இடம்பெற்ற ஒன்று.
நமக்கு ஏன் நாட்டுப்புறக் கலைகள் முக்கியம் என்றால், இங்கு அய்ரோப்பியக் காலனித்துவ மரபு பல நூற்றாண்டுகளாக இருந்தது. அதனால் நம் மரபுசார்ந்த விடயங்கள் புறக்கணிக்கப்பட்டன. அத்துடன் கிராமிய வாழ்விலிருந்து நகரைச் சேர்ந்ததும் அந்த நாட்டார்மரபினைப் பின்பற்ற நகர்ப்புறத்தவர்கள் மறந்துவிட்டனர்.  அல்லது போலிக் கௌரவம் கருதிப் புறக்கணித்தனர். அத்துடன் வெளிநாட்டு ஆராய்ச்சியாளர்கள் என்ற போர்வையில் சிலர் இங்கிருந்த மரபுகளைக் கேலி செய்தனர். ஒவ்வொருவரின் ஆழ்மனதிலும் பதியமிட்ட பல நாட்டார் கலைவடிவங்கள் பின்பற்றப்படாமலே போனது. அதனால் மேற்கின் இயந்திர கோட்பாட்டு வாழ்க்கையே மனித மீட்சி என்று பொய்யாக நம்பத் தொடங்கியுள்ளோம். இப்படி ஒரு புறம் நிகழ்ந்து வரும்போது  Folk என்ற பெயரில் மேலைத்துவ மயமாக்கம் இல்லாமல் நாட்டார் மரபுகள் பேணப்பட்டு வருகின்றன. இங்கு ஆராய்ச்சியாளர்கள் என்று சொல்லப்படுகின்ற சிலரின் வேடிக்கையான கருத்து என்னவெனில் சமஸ்கிருதம் என்பதை ஏற்க முடியாது என்று சொல்லிவிட்டு மேலைத்தேய மரபினை வழிமொழிவதுதான். இந்தப் போலிகளை அடையாளம் காணவேண்டியது  தற்போதைய நாட்டார் மரபுகளை மேலைத்தேயத்தின் நேரடித் தாக்கம் இல்லாமல் தொடர்ந்து பேண உதவும். இதுபோன்ற நாட்டார் மரபு மீட்புக்குத்தான் folk என்பது உலகம் முழுமைக்கும் பாவிக்கப்படுகிறது. folk என்று சொல்லிக்கொண்டு இலங்கையில் ஒருசிலர் இணையம் மூலம் மேற்கொள்ளும் விடயங்கள் சிரிப்பூட்டவே செய்கின்றன. அது உண்மையில் folk அல்ல. முகநூலில் பரபரப்பை ஊட்டுவதற்காக எதையோ சொல்லி தம்மை நாட்டாரின் மீட்பராகக் காட்டுவதன்றி வேறில்லை.
நாட்டார் கலைகளைப் பாரிய சமூக மாற்றத்துக்கும் பலர் பயன்படுத்தியுள்ளனர். உதாரணமாக கர்னாடகாவில் யக்ஷகானாவை வைத்துத் தேசிய அளவில் கவனத்தை ஈர்த்தனர். அத்துடன் இந்திய சுதேச சமஸ்தானங்களில் ஒன்றான திருவிதாங்கூரில் திவானாக இருந்த சி.பி.ராமசாமி அய்யர் அவர்கள் அந்தச் சமஸ்தானத்தில் மஹாராஜா, ராணி ஆகியோரைவிட அதிகாரம் படைத்தவராக இருந்தார். அவரே அந்தச் சமஸ்தானத்தை ஆள்பவர் என்றும் மக்கள் பலர் கருதினர். திருவிதாங்கூரைத் தனிநாடு ஆக்குவதற்கு அவர் பிரகடனம் செய்தார். அப்பொழுது நேரு அரசு சுதேச சமஸ்தானங்களை இந்தியத் தேசியம் ஆக்கப் போராடி வந்தது. (ஹைதராபாத் நிஸாம் மற்றும் போபால் உள்ளிட்ட சமஸ்தானங்களுக்கு ராணுவத்தை அனுப்பியே வழிக்குக் கொண்டுவரப்பட்டன) அதற்கு இடையில் சி.பி.ராமாசாமி அய்யரை எதிர்ப்பதற்கு நாட்டார் மரபான கதக்களியை வைத்துக்கொண்டு அங்கிருந்த மக்கள் பெரும் போராட்டத்தை மேற்கொண்டனர். கதக்களி என்பது கம்சவதை நாடகமாகும். இதனையே அந்த எதிர்ப்புக்கு மூலதனமாகப் பயன்படுத்தினர். அதற்கு மக்களிடையே பலமான வரவேற்பு காணப்பட்டது. பின்னர் அய்யர் சோஸலிச கட்சிக்காரர் ஒருவரின் கத்திக்குத்துக்கு இலக்காகி வைத்தியசாலையில் அனுமதிக்கப்பட்டு தனது சுதந்திர பிரகடனத்தை கைவிடும் படி ஆகிவிட்டது. ஆக இங்குள்ள திவானை எதிர்க்க நாட்டார் மரபு எவ்வளவு பயன்பட்டுள்ளது என்பதை நம்மால் ஊகிக்க முடிகிறது. இன்றுகூட மலையாளப் படங்களில் ஒரு எதிர்ப்புக்கு முதல் நாள் இரவு நாடகம் போட்டு மக்களை ஒன்றுதிரட்டும் வழக்கம் காட்டப்படுவதுண்டு.
இலங்கையில் மக்களைக் கோயில்களில் ஒன்றிணைக்கக் காத்தவராயன் கூத்து என்று ஒரு நாடகம் இரண்டாயிரங்களில் நடாத்தப்பட்டது. இன்று அந்த நாடகமே வழக்கொழிந்து போய்க்கொண்டிருக்கிறது. அதுபோல இலங்கையின் போராட்ட இயக்கங்களில் மக்களை இணைக்கத் தெருக்கூத்து நடாத்தப்பட்டது. இது ஒருவகை மூளைச்சலவை போல ஆகியது. ஏனெனில் இந்தவகைத் தெருக்கூத்துக்களில் சிறுவர் போராளிகள் பலர்  இணைக்கப்பட்டனர். இதற்குக் காரணம் இது தெருக்கூத்து என்று அவசர தருணத்தை உசுப்பிவிட்டு இருந்ததே தவிர தமிழ் மரபின் எந்த ஒரு முக்கியமான விடயங்களையும் பேசவில்லை. திராவிட இயக்கம் தமிழகத்தில் வசன மரபை கவர்ச்சிகரமாகப் பேசி எப்படி மக்களைத் திரட்டியதோ அதுபோல இஙகிருந்த போராட்ட அமைப்பு பேரினவாத வெறுப்பை முன்வைத்து இளையோரிடம் தெருக்கூத்து மூலம் ஆட்களைத் திரட்டியது. இதில் இருந்தது முற்றிலுமான பாசிசத் தன்மைதான். ஒருவகையில் ஹிட்லர் நாட்டார் கலைகளைத் தேசியவாதத்துடன் இணைத்ததுபோல புலிகள் அமைப்பு தெருக்கூத்து என்பதை மையப்படுத்தி போருக்கு இளைஞர்களைத் திரட்டியது. சிறுவர் போராளிகள் பலர் உள்வாங்கப்பட்டனர். இதனைக் கிராமப் புறங்களில் வைத்தே இவர்கள் மேற்கொண்டிருந்தனர். கிராமிய மக்களை இலகுவில் உணர்வுவயப்படுத்திவிடலாம். இன்றைய காலகட்டத்தில் கல்ழி அனைவருக்குமாகச் சென்றுள்ளது. இனிவருங்காலங்களில் இதுபோன்ற வடிவங்களை மக்கள் அடையாளங்கண்டு புறக்கணிக்க வேண்டும் என்பதே பலரின் விருப்பமும்கூட. இது எப்போதும் பாசிஸ வழிக்கே நம்மை இட்டுச் செல்லக்கூடியது.
கதக்களி
கேரளத்தில் பயன்படுத்தப்பட்ட கதக்களியும் இங்கு கோயில்களில் இணைக்கப் பயன்பட்ட காத்தவராயன்கூத்தும் முக்கியத்துவம் வாய்ந்தவை. அவற்றின் வேரைத் தேடிச் சென்று நாட்டார்கலைகளை நவீனமயப்படுத்த வேண்டும். அதன்மூலம் ஜனநாயகமான ஒரு சமூகத்தைத் திரட்ட முடியும். இந்து மரபின் வழிவந்த நாட்டார் வழக்காறுகளை ஒன்றிணைத்து இளைஞர்களிடமும் மக்களிடமும் கொண்டு செல்வதன் மூலமே ஒரு ஜனத்திரளை ஒன்றிணைக்க முடியும். போராட்ட இயக்க காலத்தில் தமிழ் என்ற ஒரு இடத்தில் நின்றுகொண்டு சைவ-இந்து மரபுகளை அவ்வியக்கத்தினர் புறக்கணித்தனர். அதற்கு  கம்யூனிசம் மற்றும் திராவிடம் என்பன இவர்களுக்கு உதவின. இன்று போராட்ட இயக்கங்கள் இல்லாத, நாடு இயல்புநிலைக்குத் திரும்பியுள்ள இன்றைய அமைதியான காலகட்டத்தில் நாட்டார் மரபுகளும் பழைய கூத்துகளும் நவீன முறையில் மீளவும் கட்டியெழுப்பப்பட வேண்டும். மக்களை  ஒன்றிணைக்க இதுவும் ஒரு வழிதான். மக்களைக் கோட்பாட்டாளர்களாக மாற்றுவதைவிட அழகியல்வாதிகளாக மாற்றுவதில்தான் சடுதியான மாற்றங்கள் ஏற்பட்டு நிரந்தரமாகவே தீர்வுகள் கிடைக்கக்கூடும். மாறாக அழகியலைப் புறக்கணித்து கோட்பாட்டாளர்களாக ஆக்குவதன் மூலம் அவர்கள் மேலும் பிரச்சனைகளையே தேடுவர். இங்குள்ள மக்களை  அழகியல்வாதிகளாக மாற்றமுடியும் என்றே பல ஆய்வு நோக்குகள் மூலமும் அனுபவம் மூலமும் அறியமுடிகிறது. ஏனெனில் அது  ஒவ்வொருவரின் ஆழ்மனதில் உள்ள ஒரு விடயம்தான்.

Popular posts from this blog

ஆர்.எஸ்.எஸ்: அடிப்படைப் புரிதல்கள்.

கேஷவ பலிராம் ஹெட்கேவர் தனது நண்பர்களுடன் 1925 ஆம் ஆண்டு இந்த அமைப்பை (Rashtriya Swayamsevak Sangh- RSS) ஆரம்பித்தபோது மிகக் கணிசமான அளவு மக்களின் ஆதரவே இவர்களுக்குக் கிடைத்தது.  பெருமளவு மக்களுக்கு ஆர்.எஸ்.எஸ் பற்றிய பிரக்ஞையே இல்லாமல் இருந்தது. பின்னர் முஸ்லிம் அடிப்படைவாதம் தலைதூக்கத் தொடங்கியதும் இந்தியாவின் அநேக பாகங்களில் ஆர்.எஸ்.எஸ் அமைப்பின் தேவை உணரப்படலாயிற்று. அத்துடன் வட இந்தியாவில் சாதிய வேற்றுமையை இல்லாது ஒழிப்பதற்கு இந்த அமைப்பு மேற்கொண்ட செயற்பாடுகள் மிகக் குறிப்பிடத்தக்க முயற்சிகளாகும். இதனால் இரண்டு தசாப்தங்களுக்கு உள்ளாகவே வட இந்தியாவில் ஆர்.எஸ்.எஸ் பெரும் செல்வாக்குடன் வளர்ந்தது.  இதனை மகாத்மா காந்திகூட தனது ஹரியான் என்ற பத்திரிகையில் பாராட்டி எழுதியிருப்பார். பிற்காலத்தில் நடந்த காந்தி கொலை துன்பியல் சம்பவமாகிப்போனது. ஆர்.எஸ்.எஸ் தடைசெய்யப்பட்டு மீளவும் சமூக எழுச்சிக்காகக் கட்டமைக்கப்பட்டது. இந்தியாவின் வடகிழக்கு மாநிலங்களில் தீண்டாமையை நேரடியாகவே நீக்குவதற்கான முயற்சிகளில் இறங்கினார்கள். இதன் பலனை ஆர்.எஸ்.எஸ் இன்று அந்த இடங்களில் அனுபவிக்கிறது. அங்குள்ள இடதுசாரிக…

இலங்கையின் மதமாற்றங்களும் அரவிந்தன் நீலகண்டனின் உடையும் இந்தியாவும்

அரவிந்தன் நீலகண்டனின் கட்டுரைகளை அவருடைய வலைத்தளத்தில் படித்துள்ளேன். அத்துடன் அவரது இந்திய அறிதல் முறைகள், பஞ்சம் படுகொலை கம்யூனிசம் மற்றும் ஆழி பெரிது போன்ற நூல்கள் மீள்வாசிப்புக்கு உட்படுத்தவேண்டிய நிலையிலுள்ளது. பலர் சொன்னார்கள் இந்து மதத்துக்கும் இந்துத்துவத்துக்கும் வித்தியாசம் உங்களுக்குத் தெரியவில்லை என்று. இந்து மதம் என்பதை மதச்சார்பின்மை என்று பலர் மடைமாற்றி வைத்துள்ளனர் என்பது ஒரு பக்கம் உண்மையாக உள்ளது.  அத்துடன் இந்துத்துவம் என்பது இந்துவாக வாழ்தல் (Hinduness) என்று பொருள். இந்த மடைமாற்றத்துக்கும் பன்னெடுங்கால இந்துமதத்தை அழிக்க முனையும் அந்நிய சக்திகளை எதிர்கொள்ள உருவானதே இந்துத்துவம் என்ற கோட்பாடு என்பது அநேகமான இந்துத்துவர்களின் நிலைப்பாடு. இதற்குள்ளிருந்து புடைத்தெழும் இந்துத்துவ வெறியைத்தான் பலர் இந்துத்துவம் என்று இங்கே தவறாக வகுக்கின்றனர். அதனால் தம்மைப் பலர் இந்துத்துவர் என்று சொல்லவே பின்வாங்குகின்றனர். ஆனால் அரவிந்தன் நீலகண்டன் தன்னை வெளிப்படையாகவே இந்துத்துவர் என்று அறிவித்துக் கொண்டவர்.  அவருடைய கோணத்திலும் வாசிப்பனுபத்திலும் வைத்து நோக்கினால் அதில் தவறுகள் இ…

இந்து ஞான மரபில் ஆறு தரிசனங்கள் ஒரு பார்வை

இந்து மதம் என்பது சாதியப் பிரிவால் மட்டுமே வலுப்பெற்றுள்ளது என்ற வலுவான கோஷம் அண்மைக்காலமாக உண்டாக்கப்பட்டுள்ளது. அதனைப் பிரச்சார நோக்கில் பலர் கொண்டு செல்கின்றனர். அடிமைத்தனத்தை வலியுறுத்திய ஹேகல் முதலியவர்களை இங்கே பெரிய இடத்தில் வைத்திருக்கும் இடதுசாரிகளும் திராவிடச் சிந்தனையாளர்களும் அரசியல் காரணங்களுக்காக இந்து மதத்தை மிக ஆழமாக இழிவுபடுத்துவதைக் காணமுடிகிறது. இதனால் இந்து ஞான மரபு என்பது மிக ஆழமாகப் பாதிக்கப்படுகிறது. அண்மையில் ஒரு தமிழ் டயஸ்போரா கூறினார் இந்துஞான மரபு என்பதே ஒரு போலியான கட்டுக்கதை என்று. அவர் எதற்காக அந்த வாதத்தை முன்வைக்கிறார் என்று ஆழமாக யோசித்துப் பேசும் பேச்சைக் கொண்டு பார்த்ததும் புரிந்து கொள்ள முடிந்தது. இலங்கையில் இந்திய அமைதிப்படையினர் மேற்கொண்ட அட்டூழியங்களுக்கு அவர் முகம் கொடுத்துள்ளார். அப்பபோது குடும்பத்துடன் புலம்பெயர்ந்து அய்ரோப்பா சென்றுள்ளார். அதனால் இந்திய மரபும் இந்து மதமும் வீணானவை என்ற கருத்தினைத் தனக்குள் போட்டுவைத்துள்ளார். எப்போதும் முன் முடிபுகளுடன் உரையாடுகிறார். இதைத்தான் பல தசாப்தங்களாக இங்குள்ள பலர் செய்து வருகின்றனர். இது ஒருசில கால…

போகன் சங்கரின் கண்ணாடி போட்ட பூனைக்குட்டிகள். 01.

கவிதைகள் படித்து நீண்ட நாட்களாகிவிட்டது. கவிதைகள் எழுதிப் பல மாதங்கள் ஆகிவிட்டது. கவிதை எழுதுவதே தீண்டாமை போலப்  பார்க்கப்படுகிறது என்பதால் கவிதை எழுதுவது பற்றி எனக்குள் இருந்த இயலுமை கொஞ்சம் கொஞ்சமாக நீர்த்துப் போய்விட்டது என்றே சொல்லுவேன். ஒரு காலத்தில் கவிதை எழுதிக்கொண்டிருந்த நான்கூடத் தீண்டாமையில் இருந்து மீண்டு வந்துவிட்டேன் என்று புழகாங்கிதமடைந்ததுண்டு. ஆனால் உண்மையில் தீண்டாமையை முற்றாக ஒழிக்க முடிவதில்லைத்தானே. வெறும் வார்த்தைகள்தானே. அதுபோலத்தான் ஒவ்வொரு மனிதனுக்குள்ளும் இருக்கும் மோசமான கவிதை எழுதும் கவிஞனையும் முற்றாக நீக்க முடிவதில்லை. நான் மோசமான கவிஞன் என்று எனக்கு ஒரு விமர்சனம் போட்டுப் பார்த்துவிட்டு நிரந்தரமாக விமர்சனத் துறையைத் தெரிவு செய்தேன். அதன் பிறகு கவிதைகள் வாசிப்பதைக் குறைத்துவிட்டுப் புனைகதைகள் மீதும் அல்புனைவுகள் மீதும் கவனஞ்செலுத்தினேன். ஆனால் முற்றிலுமாகக் கவிதைகள் வாசிப்பதை நிறுத்தவில்லை. ஜெ.பிரான்சிஸ் கிருபா, தேவதச்சன், ரமேஷ் பிரேம், சுகுமாரன், நகுலன், பிரமிள், எம்.யுவன் மற்றும் கே.சச்சிதானந்தன் முதலானோரின் கவிதைகளை இடையறாது வாசித்து வந்துள்ளேன். இந்த…

இலங்கையில் ஆர்.எஸ்.எஸ் அமைப்பை வலுப்படுத்துதல்.

பொதுவாக நாம் திட்டமிட்ட சிங்கள-பௌத்த குடியேற்றங்களைப் பற்றிப் பேசுகிறோம். ஆனால் பேரினவாத நிழலில் நின்றுகொண்டு அத்துமீறிய முஸ்லிம் குடியேற்றங்கள் தொடர்ந்து தமிழ்ப் பகுதிகளில் நடைபெறுகிறது. இது பற்றி யாரும் பேசுவதில்லையே. ஏன்?. யாராவது ஒரே மொழி பேசும் ஒரே இனத்தவர்கள் நாம் என்று கூறினால் அதைச் சரியான முட்டாள்த்தனம் என்றுதான் கூறுவேன். அதனை எந்த ஒரு முஸ்லிமும் தமிழரும் ஏற்கப்போவதில்லை. இலங்கையில் இருப்பது மூன்று பிரதான இனங்களாகும். அதில் முஸ்லிம் இனமும் ஒன்று. தமிழக முஸ்லிம்களின் அதிகார நிலைப்பாடுகளுடன் வைத்து இலங்கை முஸ்லிம் அதிகாரத் தளத்தைப் பார்ப்பவர்களே அதிகம். இலங்கையின் அதிக விழுக்காடு முஸ்லிம் அதிகார மையம் அடிப்படைவாத மதப் பரப்புகையை நோக்காகக் கொண்டது. நலிந்த இனத்தை நசுக்குவதைக் கடப்பாடாகக் கொண்டது.


இலங்கையில் ஆர்.எஸ்.எஸ் அமைப்பின் துணை அமைப்பான "சேவா பாரதி" என்று யுத்தத்தால் பாதிக்கப்பட்ட தமிழ் மக்களுக்குச் சேவை செய்யும் அமைப்பு ஒன்று வடகிழக்கில் இயங்கிவருகிறது. இதற்கு அரச அனுசரணை பெருமளவில் உள்ளது. இதன் பிரதான பணி மதமாற்றங்களைத் தடுத்து யுத்தத்தால் பாதிக்கப்பட்ட தமிழ் …

போகன் சங்கரின் கண்ணாடி போட்ட பூனைக்குட்டிகள் 02

பெண் ஒரு சமூகத்தின் இனப்பெருக்கத்துக்குப் பெரிதும் பங்காற்றுபவள். இது வெறுமனே இனப்பெருக்கத்துக்கு என்ற கருத்தை இங்கே முன்வைக்கவில்லை. இங்கு கவிதை பற்றி உரையாடுகையில் சில ஆதாயங்கள் விடுபட்டே பேசப்படும். போகனின் கவிதையைப் பற்றிப் பேசும் போது பல இடங்களில் பெண்கள் பற்றி மலினமாக எழுதுகிறார் என்ற வாதத்தைச் சிலர் முன்வைத்துள்ளனர். அது அவர்களது வாசிப்பில் உள்ள குறைபாடு என்றே கூறவேண்டும். அல்லது கவிதையை மேலோட்டமாகப் புரிந்து கொண்டதால் உருவான அதிருப்தி என்றும் கூறலாம்.

"கால்களுக்கு நடுவே
ஒரு சிறிய முரசுபோல
துடித்த சிசுவை
ஒரு கிழங்கைக் கெல்லி எறிவது போல
ஒரு பெரிய இடுக்கியைக் கொண்டு
பிடுங்கி எறிகிறாள்
டாக்டர் மாலதி
ஆண்குழந்தை என்று
வெளியே நிற்பவர்களிடம் சொல்கிறாள்
அவளுக்கு ஒரு புன்னகையும்
இனிப்பும் தரப்படுகிறது.

வெளியே வந்ததும்
வீட்டிலிருந்து வந்த ஒரு அழைப்புக்கு
ஆத்திரமாய் எதுவோ போனில் பேசுகிறாள்
இறுகிய  தாடையுடன் அவள்
காரை எடுத்த வேகம் கண்டு
புறாக்கள் சிதறி ஓடுகின்றன.
தூமைக்கால யோனி போல
சிவந்த அந்த அதிகாலையில்
அவள் மிக வேகமாகச் சென்று
அந்த பெரிய வாகனத்தின்
பின்னால் மோதுகிறாள்.

அதீத களைப்ப…

இந்துக்களைப் பிரித்தாள்தல்.

என்னிடம் பேசும்போது ஒருவர் கூறினார். (அவர் திராவிடப் புத்தகங்களை மட்டுமே படித்தவர்) நீங்கள் எதற்காக இங்கே இந்து மதத்தையும் அதன் காவலர்கள் என்று சொல்லும் ஆர்.எஸ்.எஸ் அமைப்பையும் ஆதரிப்பது போலப் பதிவுகளை எழுதுகிறீர்கள். அந்த அமைப்பு பிராமணர்களுக்கு மட்டுமே சார்பான ஜாதிக் கட்சி அல்லவா? என்றார். அத்துடன் இங்குள்ள கோயில்களில் பிராமணர் தவிர்ந்த யாருமே கோயில் பூசாரி ஆகமுடியாது என்ற தற்குறிக் கருத்தையும் முன்வைத்தார்.  கிட்டத்தட்ட ஆறு வருடங்களுக்கு முன்பு இதுபோன்ற மூடத்தனத்தில்தான் நானும் இருந்தேன். பிறகு இங்குள்ள கோயில்களில் பூஜை மேற்கொள்பவர்களிடம் பேசிய பிறகுதான் அவர்கள் யாரும் பிராமணர் அல்ல என்ற தெளிவு கிடைத்தது. அதன்பிறகு திராவிட நூல்கள் மட்டுமன்றி பொதுவான நூல்களையும் கற்று ஒரு முடிவுக்கு வந்தேன். அந்த முடிவு  திராவிடம் என்பது போலியான நம்பிக்கை. இந்தியர்களைப் பிரிக்க வெள்ளையர்கள் உண்டாக்கிய அபத்தச் சொல். அந்த அபத்தங்களை உண்மையென்று நம்பிய பலரை இங்கு எனக்குத் தெரியும். இன்றும் நம்புகின்றனர். இப்படி ஏராளம் மாயைகளை இங்குள்ள பலருக்குத் தமிழ்நாட்டின் வழிவந்த திராவிட மூடர்களால் மூடக் கருத்துக்…