Skip to main content

எஸ். என். நாகராஜனின் பேட்டி

சிந்தனையாளர் எஸ். என். நாகராஜனின் பேட்டி ஒன்றை தமிழ் இந்துவில் வாசிக்க முடிந்தது. அது பற்றிப் பேச முன்பு இங்கு அசல் மற்றும் போலி சிந்தனைகள் பற்றிய சிறிய விளக்கம் தருவது நல்லது.
எஸ்.என்.நாகராஜன்.

எஸ்.என்.நாகராஜன், அயோத்திதாச பண்டிதர், மு.தளையசிங்கம் முதலியவர்களை முதல் சிந்தனையாளர்கள் அல்லது அசல் சிந்தனையாளர்கள் என்றே தமிழில் வகைப்படுத்தியுள்ளனர். அயோத்திதாசப் பண்டிதர் தாழ்த்தப்பட்ட சாதி மக்களுக்கான போராட்டத்தை சீவக சிந்தாமணியில் இருந்தும் மணிமேகலையில் இருந்தும் தமது சமூகம் பற்றிய விழிப்புணர்வுகளை ஏற்படுத்தினார். கிட்டத்தட்ட பண்டிதரை அறியாதவர்களுக்கு அவரை தென்னிந்திய அம்பேத்கர் என்றும் கூறலாம்.

முதல் சிந்தனையாளர் என்பது பழைய சிந்தனை ஆட்களின் அறிவு வகைமைகளை முழுமையாக உள்வாங்காமல் தனக்கென்று உள்ள ஒரு மரபைத் தனது சுயமான பார்வையில் இருந்து கட்டியமைப்பவர் என்று கூறலாம். அந்த வகையில் தமிழில் உள்ள முதற்சிந்தனையாளர்களில் பிரதானமானவர்கள் மேற்கூறிய மூவர்தான். அடுத்து ஜெயமோகனையும் நான்காவது சிந்தனையாளராக இதற்குள் வகுக்கலாம். மு. தளையசிங்கம் மற்றும் ஜெயமோகன் இருவரும் இந்து-இந்திய-மேலைத்தேய ஞான மரபுகளின் மிகப் பெரிய தமிழ் அடையாளங்கள். அயோத்திதாசப் பண்டிதர் இந்திய ஞான மரபையும் நாகராஜன் இந்திய-மேலைத்தேய மரபையும் உள்வாங்கியவர்கள்.

ஈ.வே.ராமசாமி என்பவர் வெறுமனே அய்ரோப்பிய நாத்திகவாதச் சிந்தனைகளை இங்கு பிரதி செய்து நடைமுறைச் சாத்தியமற்ற பல கருத்துக்களை இங்கே முன்வைத்தார். பெண்ணுரிமை என்று பேசியவர் தன்னுடைய இறுதிக் காலத்தில் தன்னைவிட பல வயது குறைந்த பெண்ணைத் திருமணமும் செய்தார். அத்துடன் பிராமணப் பெண்கள் மீது பல வசைகளையும் செய்தார். இது அவருக்கு பெரும் வரவேற்பை இடைநிலைச் சாதிகளிடையே உண்டாக்கியிருந்தது. அதாவது பிராணர்கள் இருந்த இடத்தில் இடைநிலைச் சாதி ஆட்கள் இருக்க வேண்டும் என்று கங்கணம் கட்டினர். உதாரணமாக அய்யர்கள் வேலைசெய்யும் தொழிற்சாலையில் வேளாளர்களும், நாயக்கர்களும் மேனிலை அடைய விரும்பினர். அதற்கு பிராமண எதிர்ப்பு தேவைப்பட்டது. மாறாக ஆத்ம அர்த்தம் பொருந்திய சாதி ஒழிப்பு அதற்குள் இருக்கவில்லை. சாதியத்தை ஒழிக்க முடியாது என்பதும், சாதிய ஒழிப்பில் ஈ.வே.ராமசாமி மற்றும் அவரைப் பின்தொடர்ந்த பரவாரப் படைகளான திராவிடக் கட்சிகளும் ஈடுபடவே இல்லை என்பதற்குப் பின்னாளில் தோன்றிய பாமக, கொங்கு இளைஞர் பேரவை போன்ற கட்சிகளும் அவற்றின் வளர்ச்சியுமே ஆகப்பெரிய உதாரணமாக உள்ளது. ஆகவே ஈ.வே.ராமசாமியை முதல் சிந்தனையாளராக இங்கே வகுக்க முடியாது. உண்மையில் அவர் ஒரு சிந்தனையாளர்தானா என்ற சந்தேகம் அவருடைய களஞ்சியங்களை வாசிக்கும்போது எனக்கு ஏற்படுவதுண்டு. அதனால்தான் அவரது சிறப்புப் பெயரை நான் கூற விரும்புவதில்லை. ஈவேரா என்றே சொல்வதுண்டு. ஆனால் படிப்பறிவற்ற அறியாமையால் மூழ்கிய வெகுஜனத் தமிழ் மக்களின் செல்வாக்கை அவர் எடுத்துக் கொண்டதால் அவரது வழியே தமிழ்ச்சமூகத்தின் பிரச்சனைகளுக்குத் தீர்வு என்று பலர் நம்பத் தலைப்பட்டனர். இது தமிழ்ச் சமூகத்தின் ஆகப்பெரிய பின்னடைவு என்றே கூறவேண்டும். அதாவது ஈவேரா அவர்களை சமூகச் சீர்திருத்தவாதியாகத் தூக்கிப் பிடித்தது தமிழ்ச்சமூகத்தின் அறிவார்ந்த வீழ்ச்சி எனில் மிகையல்ல.

இங்கே எஸ்.என். நாகராஜன் என்கிற தமிழ்ச் சிந்தனையாளர் மார்க்ஸும் ஆழ்வாரும் வேறு வேறல்ல என்ற ஒரு கருத்தைக் கூறியுள்ளார். இது எப்படியுள்ளது என்றால் இயேசுவும் முருகனும் ஒன்று என்று கிறிஸ்த்தவ மதமாற்ற மிசனரிகள் சொல்வதுடன் ஒப்பிடலாம். ஒரு அசல் சிந்தனையாளர் அப்படிக் கூறியதில் ஆகப்பெரிய தர்க்க முரண்பாடுகள் உள்ளன. முன்னதில் இருப்பது மார்க்சியப் பரப்புரை. பின்னதில் இருப்பது மதப் பரப்புரை. இங்கு Idea என்பதை எடுத்துக்கொண்டு அதனைத் தனது முன்முடிபுள்ள theory க்கு இணைவைப்பவர்களாகவே இந்த இடதுசாரிய திரிபாளர்களை நாம் அடையாளம் காணவேண்டும். ஆனால் நாகராஜன் போன்ற மூலச் சிந்தனையாளர்கள் இதுமாதிரியான போகிற போக்கில் கதையளக்கும் விதமான கருத்துக்களைக் கூறுவார்கள் என்று இப்போது வரையும் நம்பமுடியவில்லை. மதத்தை முற்றாகத் தவிர்த்த மார்க்சை எப்படி இறைவனுடன் ஆத்மார்த்தமாக உரையாடிய ஆழ்வார்களுடன் ஒப்பிடமுடியும். பொருள்முதல்வாத மார்க்சியப் பார்வைக்கும் பூர்வமீமாம்சம் என்ற கருத்துமுதல்வாத வழிவந்த ஆழ்வார்களுக்கும் தொடர்பு உண்டென்று வகுப்பது ஏமாற்று வேலை அல்லவா? பெருவாரியாகப் பொருள்முதல்வாத நோக்கிலமைந்த பௌத்த சிந்தனைகளை மார்க்சுடன் ஒப்பிட்டால் அதனை மறுப்பவர் குறைவென்று கூறலாம். அதிலும் பல முரண்கள் ஏற்படும். அதாவது வேதாந்த மரபுகளைப் பற்றிப் பேசத் தொடங்கினால் மார்க்சுக்கு இதற்குள் இடமில்லை என்பது வெளிப்பட்டுவிடும்.  ஆனால் நாகராஜன் போன்ற அறிஞர்கள் போகிற போக்கில் இப்படியான சிந்தனைகளை உதிர்த்து விடுவது திரிபுவாதமாகவே எடுத்துப் பார்க்க முடிகிறது.

அத்துடன் அந்தப் பேட்டியில் காந்தி பற்றிய அவருடைய அணுகுமுறை இந்தமத/ பிராமணிய எதிர்ப்பை மட்டுமே பிரதிபலிக்கிறது. அவரைத் துறவி என்கிறார். அத்துடன் எதேச்சதிகாரி என்றும் குறிப்பிடுகிறார். துறவியாக உள்ள ஒருவர் ஒரே சமயத்தில் ஏதேச்சதிகாரியாக இருப்பது வரலாற்றில் இதுதான் முதல் தடவை என்று நினைக்கிறேன். அதனை மார்க்சியர்களால்தான் எனக்குப் பிடிக்காது என்று வகைப்படுத்தவும் முடியும்.  இதைத் தவிர்த்து இருந்தால் காந்தி பற்றிய நாகராஜனின் அணுகுமுறைகள் ஏற்புடையவை என்றே சொல்வேன்.
பேட்டியின் ஒரு இடத்தில் நாகராஜன் இப்படிக் கூறுகிறார். இதனால்தான் நாகராஜனை நாம் இன்றும் முதற் சிந்தனையாளர் என்கிறோம். ஒரு சில மறுப்புக்களுடன்.
நாகராஜனின் பேட்டி

"மேற்கத்திய இயங்கியல் குறைபட்டது என்பதை அய்ம்பது வருஷங்களுக்கு முன்பே புரிந்து கொண்டு விட்டேன். என்னுடைய கீழை மார்க்சியத்துக்கான அடிப்படை அன்புவழிக்கான ஊழியம். மேற்கத்திய இயங்கியவில் இணைப்புக்கான கூறுகள் இல்லை. "அன்பை அறியாதவன் உயிரையே அறியாதவன்" என்கிறார் நாராயணகுரு. மார்க்சால் இந்த மரபைப் புரிந்து கொள்ள முடியாது. இந்தியாவைக்கூட மார்க்ஸும் ஏங்கல்ஸும் தவறாகப் புரிந்து கொண்டுள்ளனர்"

இதுதான் மேலைத்தத்துவம் பற்றிய நாகராஜனின் ஒட்டுமொத்தமான பார்வை. இதனை அல்லாமல் முரண்பாடான வேறொன்றைத்தான் தற்கால உடனடி மார்க்சியர்கள் முன்வைக்கின்றனர். அதுதான் ஆகப்பெரிய சாத்தியமின்மைகளும் சாதிய மேலதிக்கங்களுக்கும் காரணம். அத்துடன் சமூகக் கலவரப் பரிதாபங்களுக்கும் காரணம். இதனை நாகராஜன் தனது பழைய சிந்தனைக் கட்டுரைகளில் எழுதியுள்ளார். ஆனால் மார்க்ஸும் ஆழ்வாரும் வேறல்ல என்று பிற்கால கம்யூனிச சிந்தனைகளிலும் ஸ்டாலினிச அடிப்படைகளில் இருந்தும் நாகராஜன் கூறுவாராக இருந்தால் இதனை வலுவாக மறுக்க முடியும்.  ஏனெனில் அன்பு வழி என்று அவர் வரையறுத்ததை மார்க்ஸ் வழி வந்தோர் செய்து காட்டினரா என்பதுதான் இங்கே விவாதத்துக்குரியது. மார்க்ஸைத் திரித்துக் கொண்டு இதுதான் மார்க்ஸியம் மனித விடுதலைக்கு வழி என்றல்லவா முன்வைக்கின்றனர். இது அபத்தம் அல்லவா?. நாகராஜனின் ஆழ்வார்கள் பற்றிய சிந்தனைகள் மீளாய்வுக்கு உட்படுத்தி நிராகரிக்க வேண்டிய ஒன்றாகும்.
இங்கு நாம் அசல் சிந்தனையாளர்கள் யாரென்றும் போலிச் சிந்தனையாளர்கள் யாரென்றும் வகைப்படுத்த வேண்டிய இடத்தில் இருக்கிறோம். நிச்சயமாக அதில் எஸ்.என்.நாகராஜன் மூலச்சிந்தனையாளராகவே இருப்பார் என்பதில் மாற்றுக் கருத்து இல்லை.

பொன் திகழும் மேனிப் புரிசடைப் புண்ணியனும்
நின்றுலகம் தாய நெடுமாலும் என்றும்
இருவர் அங்கத்தால் திரிவாரெனும் ஒருவன்
ஒருவன் அங்கத்து என்றும் உளன்.
–பொய்கையாழ்வார்.



Popular posts from this blog

ஆர்.எஸ்.எஸ்: அடிப்படைப் புரிதல்கள்.

கேஷவ பலிராம் ஹெட்கேவர் தனது நண்பர்களுடன் 1925 ஆம் ஆண்டு இந்த அமைப்பை (Rashtriya Swayamsevak Sangh- RSS) ஆரம்பித்தபோது மிகக் கணிசமான அளவு மக்களின் ஆதரவே இவர்களுக்குக் கிடைத்தது.  பெருமளவு மக்களுக்கு ஆர்.எஸ்.எஸ் பற்றிய பிரக்ஞையே இல்லாமல் இருந்தது. பின்னர் முஸ்லிம் அடிப்படைவாதம் தலைதூக்கத் தொடங்கியதும் இந்தியாவின் அநேக பாகங்களில் ஆர்.எஸ்.எஸ் அமைப்பின் தேவை உணரப்படலாயிற்று. அத்துடன் வட இந்தியாவில் சாதிய வேற்றுமையை இல்லாது ஒழிப்பதற்கு இந்த அமைப்பு மேற்கொண்ட செயற்பாடுகள் மிகக் குறிப்பிடத்தக்க முயற்சிகளாகும். இதனால் இரண்டு தசாப்தங்களுக்கு உள்ளாகவே வட இந்தியாவில் ஆர்.எஸ்.எஸ் பெரும் செல்வாக்குடன் வளர்ந்தது.  இதனை மகாத்மா காந்திகூட தனது ஹரியான் என்ற பத்திரிகையில் பாராட்டி எழுதியிருப்பார். பிற்காலத்தில் நடந்த காந்தி கொலை துன்பியல் சம்பவமாகிப்போனது. ஆர்.எஸ்.எஸ் தடைசெய்யப்பட்டு மீளவும் சமூக எழுச்சிக்காகக் கட்டமைக்கப்பட்டது. இந்தியாவின் வடகிழக்கு மாநிலங்களில் தீண்டாமையை நேரடியாகவே நீக்குவதற்கான முயற்சிகளில் இறங்கினார்கள். இதன் பலனை ஆர்.எஸ்.எஸ் இன்று அந்த இடங்களில் அனுபவிக்கிறது. அங்குள்ள இடதுசாரிக…

இலங்கையின் மதமாற்றங்களும் அரவிந்தன் நீலகண்டனின் உடையும் இந்தியாவும்

அரவிந்தன் நீலகண்டனின் கட்டுரைகளை அவருடைய வலைத்தளத்தில் படித்துள்ளேன். அத்துடன் அவரது இந்திய அறிதல் முறைகள், பஞ்சம் படுகொலை கம்யூனிசம் மற்றும் ஆழி பெரிது போன்ற நூல்கள் மீள்வாசிப்புக்கு உட்படுத்தவேண்டிய நிலையிலுள்ளது. பலர் சொன்னார்கள் இந்து மதத்துக்கும் இந்துத்துவத்துக்கும் வித்தியாசம் உங்களுக்குத் தெரியவில்லை என்று. இந்து மதம் என்பதை மதச்சார்பின்மை என்று பலர் மடைமாற்றி வைத்துள்ளனர் என்பது ஒரு பக்கம் உண்மையாக உள்ளது.  அத்துடன் இந்துத்துவம் என்பது இந்துவாக வாழ்தல் (Hinduness) என்று பொருள். இந்த மடைமாற்றத்துக்கும் பன்னெடுங்கால இந்துமதத்தை அழிக்க முனையும் அந்நிய சக்திகளை எதிர்கொள்ள உருவானதே இந்துத்துவம் என்ற கோட்பாடு என்பது அநேகமான இந்துத்துவர்களின் நிலைப்பாடு. இதற்குள்ளிருந்து புடைத்தெழும் இந்துத்துவ வெறியைத்தான் பலர் இந்துத்துவம் என்று இங்கே தவறாக வகுக்கின்றனர். அதனால் தம்மைப் பலர் இந்துத்துவர் என்று சொல்லவே பின்வாங்குகின்றனர். ஆனால் அரவிந்தன் நீலகண்டன் தன்னை வெளிப்படையாகவே இந்துத்துவர் என்று அறிவித்துக் கொண்டவர்.  அவருடைய கோணத்திலும் வாசிப்பனுபத்திலும் வைத்து நோக்கினால் அதில் தவறுகள் இ…

இந்து ஞான மரபில் ஆறு தரிசனங்கள் ஒரு பார்வை

இந்து மதம் என்பது சாதியப் பிரிவால் மட்டுமே வலுப்பெற்றுள்ளது என்ற வலுவான கோஷம் அண்மைக்காலமாக உண்டாக்கப்பட்டுள்ளது. அதனைப் பிரச்சார நோக்கில் பலர் கொண்டு செல்கின்றனர். அடிமைத்தனத்தை வலியுறுத்திய ஹேகல் முதலியவர்களை இங்கே பெரிய இடத்தில் வைத்திருக்கும் இடதுசாரிகளும் திராவிடச் சிந்தனையாளர்களும் அரசியல் காரணங்களுக்காக இந்து மதத்தை மிக ஆழமாக இழிவுபடுத்துவதைக் காணமுடிகிறது. இதனால் இந்து ஞான மரபு என்பது மிக ஆழமாகப் பாதிக்கப்படுகிறது. அண்மையில் ஒரு தமிழ் டயஸ்போரா கூறினார் இந்துஞான மரபு என்பதே ஒரு போலியான கட்டுக்கதை என்று. அவர் எதற்காக அந்த வாதத்தை முன்வைக்கிறார் என்று ஆழமாக யோசித்துப் பேசும் பேச்சைக் கொண்டு பார்த்ததும் புரிந்து கொள்ள முடிந்தது. இலங்கையில் இந்திய அமைதிப்படையினர் மேற்கொண்ட அட்டூழியங்களுக்கு அவர் முகம் கொடுத்துள்ளார். அப்பபோது குடும்பத்துடன் புலம்பெயர்ந்து அய்ரோப்பா சென்றுள்ளார். அதனால் இந்திய மரபும் இந்து மதமும் வீணானவை என்ற கருத்தினைத் தனக்குள் போட்டுவைத்துள்ளார். எப்போதும் முன் முடிபுகளுடன் உரையாடுகிறார். இதைத்தான் பல தசாப்தங்களாக இங்குள்ள பலர் செய்து வருகின்றனர். இது ஒருசில கால…

போகன் சங்கரின் கண்ணாடி போட்ட பூனைக்குட்டிகள். 01.

கவிதைகள் படித்து நீண்ட நாட்களாகிவிட்டது. கவிதைகள் எழுதிப் பல மாதங்கள் ஆகிவிட்டது. கவிதை எழுதுவதே தீண்டாமை போலப்  பார்க்கப்படுகிறது என்பதால் கவிதை எழுதுவது பற்றி எனக்குள் இருந்த இயலுமை கொஞ்சம் கொஞ்சமாக நீர்த்துப் போய்விட்டது என்றே சொல்லுவேன். ஒரு காலத்தில் கவிதை எழுதிக்கொண்டிருந்த நான்கூடத் தீண்டாமையில் இருந்து மீண்டு வந்துவிட்டேன் என்று புழகாங்கிதமடைந்ததுண்டு. ஆனால் உண்மையில் தீண்டாமையை முற்றாக ஒழிக்க முடிவதில்லைத்தானே. வெறும் வார்த்தைகள்தானே. அதுபோலத்தான் ஒவ்வொரு மனிதனுக்குள்ளும் இருக்கும் மோசமான கவிதை எழுதும் கவிஞனையும் முற்றாக நீக்க முடிவதில்லை. நான் மோசமான கவிஞன் என்று எனக்கு ஒரு விமர்சனம் போட்டுப் பார்த்துவிட்டு நிரந்தரமாக விமர்சனத் துறையைத் தெரிவு செய்தேன். அதன் பிறகு கவிதைகள் வாசிப்பதைக் குறைத்துவிட்டுப் புனைகதைகள் மீதும் அல்புனைவுகள் மீதும் கவனஞ்செலுத்தினேன். ஆனால் முற்றிலுமாகக் கவிதைகள் வாசிப்பதை நிறுத்தவில்லை. ஜெ.பிரான்சிஸ் கிருபா, தேவதச்சன், ரமேஷ் பிரேம், சுகுமாரன், நகுலன், பிரமிள், எம்.யுவன் மற்றும் கே.சச்சிதானந்தன் முதலானோரின் கவிதைகளை இடையறாது வாசித்து வந்துள்ளேன். இந்த…

சங்ககாலத்து இராமன்: சில குறிப்புகள்

இரண்டாயிரம் ஆண்டுகளுக்கு முற்பட்ட சங்க இலக்கியங்களில் இந்துக் கடவுளரில் ஒருவரான ராமன் பற்றிய குறிப்புக்களை  கடுவன் மள்ளனார் என்றொரு புலவர் எழுதியுள்ளார். முதல் மூன்று நூற்றாண்டின் நடுப்பகுதியில் எழுதப்பட்ட அகநானூற்றிலேயே இந்தக் குறிப்புகள் தெளிவாக உள்ளன.

"வென்வேல் கவுரியர் தொன்முது கோடி 
முழங்கு இரும் பௌவம் இரங்கும் 
முன் துறை வெல்போர் இராமன் 
அருமறைக்கு அவித்த பல்வீழ் ஆலம் போல 
ஒலி அவிந்தன்று இவ் அழுங்கல் ஊரே"

இங்கே கவுரியர் என்பது பாண்டியரையும் கோடி என்பது தென்னகத்துத் தனுஷ் கோடியையும் குறிக்கிறது. இப்பாடலின் பொருளாக, ராமன் வெற்றிபெற்றுப் பாண்டியரின் தேசத்துக்கு வந்தடைந்து ஆலமரத்தடியில் அமர்ந்து மறைஞானப் பாடல்களை ஓதுகிறான். அம்மரத்தின் மேலிருந்த பறவைகள் தமது சப்தங்களை விட்டுவிட்டு ராமனின் மறையோதலைக் கேட்டபடியுள்ளன. இது கிட்டத்தட்ட இரண்டாயிரம் ஆண்டுகளுக்கு முற்பட்ட அகநானூற்றில் மள்ளனார் பாடிய ஒரு பாடல்.

சமகாலத்தில் ஒருவர் தனது சுய கருத்தைக் கூறுவதற்கு இணையத்தின் செல்வாக்கை  அதிகமாக நம்பியுள்ளார். இந்த ஆதிக்கம் அதிகரிக்கத் தொடங்கியதும் எவ்வித வரலாற்று வாசிப்பு அறிவுமற்ற அதே வேளை…

போகன் சங்கரின் கண்ணாடி போட்ட பூனைக்குட்டிகள் 02

பெண் ஒரு சமூகத்தின் இனப்பெருக்கத்துக்குப் பெரிதும் பங்காற்றுபவள். இது வெறுமனே இனப்பெருக்கத்துக்கு என்ற கருத்தை இங்கே முன்வைக்கவில்லை. இங்கு கவிதை பற்றி உரையாடுகையில் சில ஆதாயங்கள் விடுபட்டே பேசப்படும். போகனின் கவிதையைப் பற்றிப் பேசும் போது பல இடங்களில் பெண்கள் பற்றி மலினமாக எழுதுகிறார் என்ற வாதத்தைச் சிலர் முன்வைத்துள்ளனர். அது அவர்களது வாசிப்பில் உள்ள குறைபாடு என்றே கூறவேண்டும். அல்லது கவிதையை மேலோட்டமாகப் புரிந்து கொண்டதால் உருவான அதிருப்தி என்றும் கூறலாம்.

"கால்களுக்கு நடுவே
ஒரு சிறிய முரசுபோல
துடித்த சிசுவை
ஒரு கிழங்கைக் கெல்லி எறிவது போல
ஒரு பெரிய இடுக்கியைக் கொண்டு
பிடுங்கி எறிகிறாள்
டாக்டர் மாலதி
ஆண்குழந்தை என்று
வெளியே நிற்பவர்களிடம் சொல்கிறாள்
அவளுக்கு ஒரு புன்னகையும்
இனிப்பும் தரப்படுகிறது.

வெளியே வந்ததும்
வீட்டிலிருந்து வந்த ஒரு அழைப்புக்கு
ஆத்திரமாய் எதுவோ போனில் பேசுகிறாள்
இறுகிய  தாடையுடன் அவள்
காரை எடுத்த வேகம் கண்டு
புறாக்கள் சிதறி ஓடுகின்றன.
தூமைக்கால யோனி போல
சிவந்த அந்த அதிகாலையில்
அவள் மிக வேகமாகச் சென்று
அந்த பெரிய வாகனத்தின்
பின்னால் மோதுகிறாள்.

அதீத களைப்ப…

இலங்கையில் ஆர்.எஸ்.எஸ் அமைப்பை வலுப்படுத்துதல்.

பொதுவாக நாம் திட்டமிட்ட சிங்கள-பௌத்த குடியேற்றங்களைப் பற்றிப் பேசுகிறோம். ஆனால் பேரினவாத நிழலில் நின்றுகொண்டு அத்துமீறிய முஸ்லிம் குடியேற்றங்கள் தொடர்ந்து தமிழ்ப் பகுதிகளில் நடைபெறுகிறது. இது பற்றி யாரும் பேசுவதில்லையே. ஏன்?. யாராவது ஒரே மொழி பேசும் ஒரே இனத்தவர்கள் நாம் என்று கூறினால் அதைச் சரியான முட்டாள்த்தனம் என்றுதான் கூறுவேன். அதனை எந்த ஒரு முஸ்லிமும் தமிழரும் ஏற்கப்போவதில்லை. இலங்கையில் இருப்பது மூன்று பிரதான இனங்களாகும். அதில் முஸ்லிம் இனமும் ஒன்று. தமிழக முஸ்லிம்களின் அதிகார நிலைப்பாடுகளுடன் வைத்து இலங்கை முஸ்லிம் அதிகாரத் தளத்தைப் பார்ப்பவர்களே அதிகம். இலங்கையின் அதிக விழுக்காடு முஸ்லிம் அதிகார மையம் அடிப்படைவாத மதப் பரப்புகையை நோக்காகக் கொண்டது. நலிந்த இனத்தை நசுக்குவதைக் கடப்பாடாகக் கொண்டது.


இலங்கையில் ஆர்.எஸ்.எஸ் அமைப்பின் துணை அமைப்பான "சேவா பாரதி" என்று யுத்தத்தால் பாதிக்கப்பட்ட தமிழ் மக்களுக்குச் சேவை செய்யும் அமைப்பு ஒன்று வடகிழக்கில் இயங்கிவருகிறது. இதற்கு அரச அனுசரணை பெருமளவில் உள்ளது. இதன் பிரதான பணி மதமாற்றங்களைத் தடுத்து யுத்தத்தால் பாதிக்கப்பட்ட தமிழ் …